Ҳимоячи Андреас Кристенсен «Барселона»нинг шартномани узайтириш борасидаги таклифини рад этди. Бу ҳақда Mundo Deportivo нашри хабар бермоқда.
Манбанинг маълумотларига кўра, 30 ёшли даниялик футболчини эркин агент сифатида ўз сафига қўшиб олишни АПЛ, Бундеслига, А Серия ва Ла Лиганинг бир қатор жамоалари режалаштирмоқда.
Амалдаги шартнома таклифи Кристенсеннинг кутганларига мос келмаяпти, бу эса унинг ушбу жамоадаги келажагини сўроқ остида қолдирмоқда.
Ҳимоячи 2022 йилнинг июль ойидан бери «Барселона» шарафини ҳимоя қилиб келмоқда. Унинг амалдаги шартномаси 2026 йилнинг 30 июнига қадар мўлжалланган. 2025/26 йилги мавсумда у 17 та ўйинда майдонга тушиб, 1 та гол уришга муваффақ бўлди.
Transfermarkt портали футболчининг трансфер қийматини 9 миллион еврога баҳолаган.
