Италиянинг «Наполи» клуби ҳужумчи Ромелу Лукакуга нисбатан интизомий чора кўрди. La Gazzetta dello Sport нашрининг хабар беришича, бельгиялик футболчи 150 минг евро миқдорида жаримага тортилган.
Бундай кескин чорага футболчининг клуб билан келишмаган ҳолда Бельгияда шахсий мураббийи билан машғулот ўтказгани сабаб бўлган. «Наполи» раҳбарияти Лукакудан 31 март куни жамоа ихтиёрига қайтишни талаб қилган эди, бироқ ҳужумчи Неаполга фақат 19 апрель куни етиб келган.
Белгиланган 150 минг евро миқдоридаги жарима футболчининг бир ойлик маошининг 20 фоизини ташкил этади. Маълумот учун, Лукаку жорий мавсумда неаполликлар сафида атиги 6 та ўйинда (жами 64 дақиқа) майдонга тушиб, 1 та гол уришга муваффақ бўлган.
