«Манчестер Сити» бош мураббийи Пеп Гвардиола «Бёрнли»га қарши учрашув олдидан жамоадаги жароҳатлар билан боғлиқ вазият ҳақида маълумот берди.
Мураббийнинг сўзларига кўра, жамоанинг икки муҳим вакили бўлажак баҳсни ўтказиб юборади.
«Рубен Диаш ҳали қайтишга тайёр эмас. Шунингдек, Родри ҳам жароҳат олиб, сафдан чиқди. У эртага майдонга тушмайди. Эҳтимол, у Англия кубоги ярим финалини ҳам ўтказиб юбориши мумкин. Биз унинг 12-13 кундан кейин «Эвертон»га қарши бўладиган ўйинга қадар тикланишига умид қиляпмиз», — деди Гвардиола.













