Бразилия терма жамоаси ва «Милан» клуби собиқ ҳимоячиси Кафу Мюнхеннинг «Бавария» клуби намойиш этаётган ўйин услубига юқори баҳо берди. Бу ҳақда Bayern & Germany нашри хабар бермоқда.
Афсонавий футболчи немис грандининг ҳужумкор футболидан ҳайратда эканини яширмади:
«Бугунги «Бавария» — футбол санъатида бутун дунё учун намуна. Уларнинг ўйинини томоша қилиш завқ бағишлайди. Биз буни ҳам Чемпионлар лигасида, ҳам Бундеслигада кўриб турибмиз. Улар доимо ҳужум қилишади, рақибдан қўрқишмайди ва гол ўтказиб юборишса ҳам, ундан кўпроғини уришларига ишонишади. Бутун дунё айнан шундай футбол кўришни истайди», — деди Кафу.
Маълумот учун, айни пайтда «Бавария» Бундеслига турнир жадвалида 30 турдан сўнг 79 очко жамғарган ҳолда яққол пешқадамлик қилмоқда.
