«Барселона» клуби ҳимоячиси Жюль Кунде келаётган ёзги трансфер ойнасида жамоани тарк этиши мумкин. Mundo Deportivo нашрининг хабар беришича, франциялик футболчига Европанинг бир қатор гранд клублари томонидан қизиқиш кучаймоқда.
Гарчи Кунденинг каталонияликлар билан амалдаги шартномаси 2030 йилнинг июнигача мўлжалланган бўлса-да, клубнинг молиявий ҳолати раҳбариятни муносиб таклифларни кўриб чиқишга мажбур қилиши мумкин. Хабарларга кўра, айни дамда «Манчестер Сити», «Ливерпуль» ва «Челси» футболчининг ҳолатини диққат билан кузатиб бормоқда.
Маълумот учун, Кунде жорий мавсумда Ханси Флик қўл остида барча турнирларда 43 та ўйинда майдонга тушиб, 3 та гол ва 4 та голли узатмага муаллифлик қилди. Унинг трансфер қиймати тахминан 65 миллион еврога баҳоланмоқда, бироқ «Барселона» уни камида 80 миллион евро эвазига қўйиб юбориши тахмин қилинмоқда.
