Мадриднинг «Реал» жамоаси бош мураббийи Альваро Арбелоа Испания Ла Лигасининг 33-турида «Алавес»га қарши кечган (2:1) учрашувдан кейин ўз фикрлари билан ўртоқлашди.
«Биз биринчи бўлимда устунлик қилдик. Кўпроқ гол уришимиз ва ўйин тақдирини эртароқ ҳал қилишимиз керак эди, рақибга ўйинга қайтиш имконини бермаслигимиз лозим эди.
«Бавария»га қарши ўйиндан сўнг суҳбатлашдик ва қолган 7 та учрашувда ғалаба қозонишга келишиб олдик. Бу — бизнинг мақсадимиз. Биринчи ғалаба бор, яна олтитаси қолди. Испания чемпионати давом этяптими? Математик жиҳатдан ҳали якунлангани йўқ, демак, ҳа, у давом этмоқда», — деди мураббий клуб матбуот хизматига.
Испания чемпионатида 32 та ўйиндан сўнг «Реал Мадрид» 73 очко билан мусобақа жадвалида иккинчи ўринни эгаллаб турибди.













