Мадриднинг «Реал» клуби бош мураббийи Альваро Арбелоа жамоа ҳужумчиси Винисиус Жуниор билан амалдаги шартномани узайтириш борасидаги фикрлари билан ўртоқлашди.
Таниқли инсайдер Фабрицио Романо испаниялик мутахассиснинг матбуот анжуманида айтган сўзларини келтирмоқда:
«Винисиус билан шартномани узайтириш? Унинг «Реал»да қолишини умид қиламан ва шуни истайман. Мухлислар уни жуда яхши кўришади», — деди Арбелоа.
Маълумот учун, 25 ёшли бразилиялик футболчи жорий мавсумда барча турнирлар доирасида 48 та ўйинда майдонга тушди. Ушбу баҳсларда Винисиус 18 та гол урди ва 14 та голли узатмани амалга оширди.
