«Милан» раҳбарияти ёзги трансфер бозоридаги ишлар бўйича қарор қабул қилди. Il Giorno нашрининг маълумотларига кўра, «россонери»лар ёзги трансферлар учун 50 миллион евро маблағ олишади.
Жамоа футболчиларни сотиш орқали бу суммани ошириши мумкин. Сотувдан тушган маблағлар трансфер бюджетига қўшиб берилади.
Айни дамда «Милан» Италия чемпионати турнир жадвалида 33 турдан сўнг 66 очко тўплаган ҳолда иккинчи ўринни эгаллаб турибди.
Навбатдаги турда «россонери»лар ўз уйларида «Ювентус»ни қабул қилишади. Учрашув якшанба куни, 26 апрелда бўлиб ўтади.
