«Milan» rahbariyati yozgi transfer bozoridagi ishlar bo‘yicha qaror qabul qildi. Il Giorno nashrining ma’lumotlariga ko‘ra, «rossoneri»lar yozgi transferlar uchun 50 million yevro mablag‘ olishadi.
Jamoa futbolchilarni sotish orqali bu summani oshirishi mumkin. Sotuvdan tushgan mablag‘lar transfer byudjetiga qo‘shib beriladi.
Ayni damda «Milan» Italiya chempionati turnir jadvalida 33 turdan so‘ng 66 ochko to‘plagan holda ikkinchi o‘rinni egallab turibdi.
Navbatdagi turda «rossoneri»lar o‘z uylarida «Yuventus»ni qabul qilishadi. Uchrashuv yakshanba kuni, 26 aprelda bo‘lib o‘tadi.
