Бугун, 22 апрель куни «Манчестер Сити» Англия Премьер-лигасининг 34-тури доирасида «Бёрнли»га қарши баҳс олиб боради. Илгари «шаҳарликлар» таркибида тўп тепган, ҳозирда «бордоранглилар» қанот ҳимоячиси Кайл Уокер бўлажак ўйин борасидаги кутишлари билан ўртоқлашди.
«Биз ўзимизни энг яхши томонлама кўрсатишимиз керак. «Терф Мур»да улар учун қизил гилам тўшаб қўйилмайди. Биз уларнинг ўйинини бузишимиз, уни ўз назоратимизга олишимиз ва майдоннинг бизга тегишли қисмида уларнинг кетма-кет ҳужумларини тўхтата олишимизга ишонч ҳосил қилишимиз керак», — дея Уокернинг сўзларини келтиради Sky Sports.
Агар Хосеп Гвардиола жамоаси ғалаба қозонса, тўпланган очколар бўйича Лондоннинг «Арсенал» клубига етиб олади. «Бёрнли» эса элитада жон сақлаб қолиш имкониятини деярли йўқотган, жамоа турнир жадвалида 19-ўринда бормоқда.
