«Интер Майами» МЛС мунтазам чемпионати доирасида «Реал Солт-Лейк» жамоаси устидан 2:0 ҳисобида ғалаба қозонди. Учрашув Сэнди шаҳридаги «Америка Ферст Филд» стадионида бўлиб ўтди.

Биринчи бўлим бошида ВАР тизими мезбонлар томонидан киритилган голни бекор қилди. Ўйиннинг 82-дақиқасига келиб, ярим ҳимоячи Родриго Де Пауль ҳисобни очди, орадан бир дақиқа ўтиб эса ҳужумчи Луис Суарес «фламинголар»нинг устунлигини мустаҳкамлади.

Ушбу ғалабадан сўнг «Интер Майами» 9 ўйинда 18 очко жамғариб, Шарқий конференцияда 2-ўринга кўтарилиб олди. «Реал Солт-Лейк» эса 8 ўйиндан кейин 16 очко билан Ғарбий конференцияда 6-поғонани эгаллаб турибди.

«РЕАЛ СОЛТ-ЛЕЙК» — «ИНТЕР МАЙАМИ» — 0:2

Голлар: Родриго де Пауль 82 (0:1), Луис Суарес 83 (0:2).

«Реал Солт-Лейк»: Рафаэль Кабрал, Сэм Жунква, Жастен Глэд, Деандре Йедлин, Катранис (Хуан Мануэль Санабрия, 61), Ноэль Калискан, Спирингс (Айден Хезархани, 85), Завье Гозо, Гилавоги, Серхи Соланс (Олатунджи, 80), Диего Луна.

«Интер Майами»: Сент-Клэр, Микаэл, Фалькон, Лухан, Аллен (Фрэй, 71), Сеговия, де Пауль, Факундо Мура, Бертераме, Лионель Месси, Альенде (Луис Суарес, 75).

Огоҳлантиришлар: Йедлин (43), Спирингс (45), Диего Луна (58) — Аллен (42), Микаэл (58), Сеговия (65).