«Inter Mayami» MLS muntazam chempionati doirasida «Real Solt-Leyk» jamoasi ustidan 2:0 hisobida g‘alaba qozondi. Uchrashuv Sendi shahridagi «Amerika Ferst Fild» stadionida bo‘lib o‘tdi.
Birinchi bo‘lim boshida VAR tizimi mezbonlar tomonidan kiritilgan golni bekor qildi. O‘yinning 82-daqiqasiga kelib, yarim himoyachi Rodrigo De Paul hisobni ochdi, oradan bir daqiqa o‘tib esa hujumchi Luis Suares «flamingolar»ning ustunligini mustahkamladi.
Ushbu g‘alabadan so‘ng «Inter Mayami» 9 o‘yinda 18 ochko jamg‘arib, Sharqiy konferensiyada 2-o‘ringa ko‘tarilib oldi. «Real Solt-Leyk» esa 8 o‘yindan keyin 16 ochko bilan G‘arbiy konferensiyada 6-pog‘onani egallab turibdi.
«REAL SOLT-LEYK» — «INTER MAYAMI» — 0:2
Gollar: Rodrigo de Paul 82 (0:1), Luis Suares 83 (0:2).
«Real Solt-Leyk»: Rafael Kabral, Sem Junkva, Jasten Gled, Deandre Yedlin, Katranis (Xuan Manuel Sanabriya, 61), Noel Kaliskan, Spirings (Ayden Xezarxani, 85), Zavye Gozo, Gilavogi, Serxi Solans (Olatundji, 80), Diyego Luna.
«Inter Mayami»: Sent-Kler, Mikael, Falkon, Luxan, Allen (Frey, 71), Segoviya, de Paul, Fakundo Mura, Berterame, Lionel Messi, Alyende (Luis Suares, 75).
Ogohlantirishlar: Yedlin (43), Spirings (45), Diyego Luna (58) — Allen (42), Mikael (58), Segoviya (65).
