«Барселона» қанот ҳимоячиси Жоау Канселу тез орада сафга қайтади. Португалиялик футболчи чоршанба куни бўлиб ўтган «Сельта»га қарши баҳснинг 23-дақиқасидаёқ жароҳат сабаб алмаштирилган эди.

Инсайдер Фернандо Полонинг маълумотига кўра, 31 ёшли латерал жиддий жароҳат олмаган — бу шунчаки кучли зарба (лати ейиш) оқибатидаги оғриқ, холос. Шу боис, унинг тикланиши учун кўп вақт талаб этилмайди.

Эслатиб ўтамиз, «Барселона»нинг «Сельта» устидан қозонган минимал ғалабасида ягона голни 40-дақиқада Ламин Ямал пенальтидан киритган эди. Қизиғи шундаки, 18 ёшли вингернинг ўзи ҳам ушбу учрашувда жароҳат олиб, майдонни вақтидан олдин тарк этди. Каталонияликлар навбатдаги ўйинини шанба куни сафарда «Хетафе»га қарши ўтказишади.