Осиёнинг энг нуфузли турнирларидан бири Элит Чемпионлар Лигасида ҳакамлик билан боғлиқ можароси юзага келди. Ярим финал доирасида кечган Япониянинг “Мачида Зелвия” ва БААнинг “Шабаб Ал-Аҳли” жамоалари ўртасидаги учрашув нафақат натижаси, балки баҳсли қарорлари билан ҳам ёдда қоладиган бўлди.
Учрашувнинг 12-дақиқасида японияликлар футболчиси Юки Сома рақиб ҳимоячиси Богдан Планичнинг қўпол хатосидан унумли фойдаланиб, ҳисобни очди. Ўйиннинг драматик қисми эса иккинчи бўлимнинг ҳакам томонидан қўшиб берилган дақиқаларида юз берди.
92-дақиқада “Шабаб Ал-Аҳли” вакили Гилерме Бала узоқ масофадан йўллаган зарбаси билан мувозанатни тиклади. Бироқ VAR аралашувидан сўнг ушбу гол бекор қилинди. Гап шундаки, ҳужум бошланган паллада “Мачида” таркибида ўзгариш амалга оширилаётган эди. Учрашув бош ҳаками, австралиялик рефери Шон Эванс ўзгаришлар ҳали тўлиқ якунланмаганини пайқамай, ўйинни давом эттиришга рухсат берган. VAR ҳакамнинг ушбу техник хатосига эътибор қаратгач, Эванс дарвоза ишғол қилинганини бекор қилди.
Ҳакамнинг қарори майдонда тартибсизликни келтириб чиқарди. “Шабаб Ал-Аҳли” устози Паулу Соуза ўйин тугамасиданоқ кийиниш хонасига йўл олди, дарвозабон Ҳамад Ал-Меқбаали эса финал ҳуштагидан сўнг қизил карточка билан жазоланди. Вазият кескинлашгани сабабли, ҳакам Шон Эванс майдонни полиция қуршовида тарк этишга мажбур бўлди.
Ўйиндан кейинги матбуот анжуманида Паулу Соуза ҳакамликни кескин танқид қилди:
“Бу ҳакамнинг жуда қўпол техник хатоси. Афсуски, бундай қарорлар футболни харобага айлантирмоқда. Бу даражадаги ўйинга бундай ҳакамни тайинлаш катта хато эди. Биз финалда ўйнашга муносиб эдик”.
Ушбу ғалаба эвазига “Мачида” финалга йўлланма олди ва энди шанба куни амалдаги чемпион — “Ал-Аҳли” билан Жиддада тўқнаш келади. Бироқ “Шабаб Ал-Аҳли” клуби ҳакамнинг хатоси ўйин тақдирига таъсир қилганини таъкидлаб, натижа бўйича расман норозилик билдирди. Амирликлар жамоаси ўйинни қайтадан ўтказишни талаб қилиб, Жиддадан кетмай ОФКнинг якуний қарорини кутмоқда.
Футбол мутахассиси Алишер Никимбаевнинг ёзишича, ушбу кутилмаган вазият сабабли ОФК Ҳакамлар департаменти ўзбекистонлик мутахассислар — Илгиз Танташев ва Андрей Цапенконинг Тошкентга қайтишини кечиктирди. Ҳозирча Танташев бошчилигидаги ҳакамлар бригадасининг нега олиб қолганининг аниқ сабаблари маълум эмас.
| 22/04 00:00 | Брайтон | - | Челси | ||
| 22/04 00:30 | Реал Мадрид | - | Алавес | ||
| 22/04 00:30 | Жирона | - | Бетис | ||
| 22/04 18:00 | Сурхон | 2-1 | Машъал | ||
| 22/04 20:15 | Бухоро | 0-1 | Пахтакор | ||
| 22/04 22:00 | Эльче | - | Атлетико | ||
| 22/04 23:00 | Реал Сосьедад | - | Хетафе | ||
| 23/04 00:00 | Борнмут | - | Лидс | ||
| 23/04 00:00 | Бёрнли | - | Манчестер Сити | ||
| 23/04 00:30 | Барселона | - | Сельта | ||
| 23/04 19:00 | Навбаҳор | - | Сўғдиёна | ||
| 23/04 19:00 | Насаф | - | Локомотив | ||
| 23/04 20:15 | Динамо | - | ОКМК | ||
| 23/04 22:00 | Леванте | - | Севилья | ||
| 23/04 23:00 | Райо Вальекано | - | Эспаньол | ||
| 24/04 00:30 | Реал Овьедо | - | Вильярреал | ||
| 24/04 19:00 | Хоразм | - | Нефтчи | ||
| 24/04 19:00 | Қизилқум | - | Қўқон-1912 | ||
| 24/04 20:15 | Бунёдкор | - | Андижон | ||
| 24/04 23:45 | Наполи | - | Кремонезе | ||
| 25/04 00:00 | Сандерленд | - | Ноттингем Форест | ||
| 25/04 00:00 | Бетис | - | Реал Мадрид |
Элит ОЧЛ. Ярим финалда мағлуб бўлган “Шабаб Ал-Аҳли” ҳакамликдан норози бўлиб, ОФКга арз қилди
| Баҳо: |
+ | -
|
Рукн: Янгиликлар
Манба: daryo.uz
Киритилди: 12:05, 23.04.2026.
Ўқилди: 256 марта.
Фикрлар: 0 та.
Ўқилди: 256 марта.
Фикрлар: 0 та.
ЭНГ КЎП ЎҚИЛГАН ЯНГИЛИКЛАР
Гвардиолани олиб қолиш учун 150 млн евро: «Манчестер Сити» трансфер рекордини янгиламоқчи [7055]
«Реал» янги трансферлар учун юлдуз футболчисини қурбон қилиши мумкин [4017]
Давид де Хеа гранд жамоага ўтиши мумкин [3828]
Ямалнинг тикланиш муддати маълум [3123]
Флик Ямаль ва Канселунинг жароҳати ҳақида фикр билдирди [2466]
ОЧЛ-2: «Ан-Наср» йирик ғалаба билан финалга йўл олди [2225]
Манба: Моуриньо ва «Реал» ўртасидаги музокаралар бошланди [2206]
«Менга тушунтириб беринг». Флик — «Барселона» — «Сельта» ўйинидаги бекор қилинган гол ҳақида (видео) [2204]
«Барселона» Ферран Торрес бўйича бир қарорга келди [2029]
Мбаппе Моуриньонинг «Реал»га қайтиши ҳақидаги постга «лайк» босди (фото) [1978]
| Асосий сахифа |
|
© STADION.UZ Гувоҳнома №0917. Берилган санаси: 02.12.2013. Муассис: «OSIYO KABEL» МЧЖ. Бош муҳаррир: Бўронов Олимхўжа Азимхўжа ўғли. Таҳририят манзили: 100057, Тошкент шаҳри, Уста Ширин 125. E-mail: admin@stadion.uz Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт. Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар. |
|
|