Мюнхеннинг «Бавария» клуби ҳужумкор ярим ҳимоячиси Серж Гнабри ўзининг жароҳати борасида фикр билдирди. Ушбу жароҳат сабабли хавбек бўлажак ЖЧ-2026 мусобақасида Германия терма жамоасига ёрдам бера олмайди.
«Жуда афсусланарли. «Бундестим»ни телевизор қаршисида ўтириб қўллаб-қувватлайман. Мундиалда ўйнаш орзум бор эди, аммо ҳозир бу амалга ошмайдиган бўлди. Энди бор эътиборимни даволанишга ва янги мавсумга тайёргарлик кўришга қаратишим керак», — дейилади 30 ёшли футболчининг ижтимоий тармоқларда қолдирган хабарида.
Эслатиб ўтамиз, Гнабри ўнг сон яқинлаштирувчи мушагининг узилиши туфайли сафдан чиққан.
