«ПСЖ» президенти Носир ал-Хелайфий жамоа вакилларининг «Олтин тўп»ни қўлга киритиш имкониятлари ҳақида тўхталди. Ўтган йили ушбу совринга Усмон Дембеле лойиқ кўрилган эди, унинг қаҳрамонликлари парижликларга ўз тарихида илк бор Чемпионлар лигасида зафар қучишга ёрдам берганди.
«Навбатдаги "Олтин тўп" соҳиби ким бўлади? Ҳаммаси ким Чемпионлар лигаси ва Жаҳон чемпионатида ғолиб чиқишига боғлиқ, аммо бизда ушбу соврин учун кураша оладиган тўрт ёки бешта футболчи бор. Менимча, у яна "ПСЖ" футболчиси бўлади — бунинг эҳтимолини 60-70 фоизга баҳолайман», — деди ал-Хелайфи Le Forum нашрига берган интервьюсида.
Луис Энрике шогирдлари Чемпионлар лигасининг жорий мавсумида ярим финалга йўл олишган ва у ерда «Бавария»га қарши баҳс олиб боришади.
