«Пари Сен-Жермен» раҳбари Нассер ал-Хелайфий клубнинг сўнгги йилларда ЕЧЛдаги муваффақиятларини юқори баҳолади. Парижликлар энг нуфузли еврокубокнинг жорий мавсумида ярим финалга йўл олди ва унда «Бавария» билан куч синашади.
Ўтган мавсумда Луис Энрике шогирдлари ўз тарихида илк бор турнир ғолибига айланишган эди, икки йил аввал эса айнан ярим финал босқичида мусобақани тарк этишганди.
«Чампионлар лигасида кетма-кет уч йил ярим финалга чиқиш учун энг юқори спорт формасида бўлиш керак. Бу жиддий ютуқ, чунки турнирда кучли жамоалар жуда кўп ва рақобат ниҳоятда юқори», – деди ал-Хелайфи Le Forum нашрига берган интервьюсида.
28 апрель куни Парижда «ПСЖ» ва «Бавария» ўртасидаги дастлабки учрашув бўлиб ўтади, жавоб ўйини эса 6 май куни Мюнхенда ўтказилади.
