«Ливерпуль» марказий ҳимоячиси Ибраима Конате клуби билан шартномасини узайтиришга яқин турибди. Яқинда франциялик футболчининг ўзи «қизиллар» билан амалдаги келишуви тез орада янгиланишини тасдиқлади.
DaveOCKOP нашрининг хабар беришича, янги шартномага катта эҳтимол билан «ПСЖ» учун махсус товон пули белгиланган банд киритилади. Унга кўра, Париж клуби футболчини тахминан 60 миллион фунт стерлинг (тахминан 69 миллион евро) эвазига сотиб олиши мумкин бўлади.
Ибраима Конате асли парижлик бўлса-да, «ПСЖ» сафида ҳеч қачон тўп сурмаган. 26 ёшли футболчи 2021 йилдан бери «Ливерпуль» шарафини ҳимоя қилиб келмоқда. У мерсисайдликлар либосида жами 178 та ўйин ўтказиб, 7 та гол ва 4 та голли узатмага муаллифлик қилган.
