«Барселона» ҳужумчиси Ламин Ямал Испания чемпионатида апрель ойининг энг яхши футболчиси деб топилди, дея хабар бермоқда Ла Лига матбуот хизмати.
Апрель ойида у учта учрашувда майдонга тушиб, 2 та гол ва 2 та голли узатмани ўз ҳисобига ёздириб қўйди.
18 ёшли форвард ушбу соврин учун курашда Лукас Бойе («Алавес»), Ведат Мурики («Мальорка»), Карлос Солер («Реал Сосьедад») ва Федерико Виньясни («Реал Овьедо») ортда қолдирди.
Испаниялик футболчи жорий мавсумда учинчи бор бундай эътирофга сазовор бўлди — у аввалроқ ноябрь ва декабрь ойларида ҳам ойнинг энг яхши ўйинчиси деб топилган эди.
