«Реал» мураббийи Альваро Арбелоа Ла Лига доирасидаги «Бетис»га қарши баҳсда (1:1) севильяликлар ҳимоячиси Рикардо Родригеснинг қўл билан ўйнагани учун пенальти белгиланиши керак эди деб ҳисоблайди.

«Мен учун бу яққол пенальти — Браим зарба бераётган лаҳзада қўл чўзилган ва танага ёпиштирилмаган эди.

Бундай аниқ вазиятда бошқача бўлиши мумкин эмас, худди ўйин охиридаги эпизод каби: Менди позицияни ютиб олди, ҳатто кичик тортиш ёки қўл тегиши ҳам — бу фол. Бу футболдаги оддий қоида, аммо биз билан бундай ҳолат биринчи марта содир бўлаётгани йўқ.

Ўйлашимча, ушбу иккита қарор ўйин натижасига жиддий таъсир кўрсатди», — деди Арбелоа.