Англия Премьер-лигасининг 34-тури доирасида «Тоттенхэм» сафарда «Вулверхэмптон» меҳмони бўлди ва кичик ҳисобда ғалаба қозонди.

Баҳс тақдирини ҳал қилган ягона гол учрашувнинг 82-дақиқасида меҳмонлар ярим ҳимоячиси Жоау Палинья томонидан киритилди.

Ушбу ғалабадан сўнг лондонликлар ўз очколарини 34 тага етказиб олди. Улар ҳамон 18-поғонада.

«Бўрилар» эса 17 очко билан сўнгги — 20-ўринда қолмоқда. Эслатиб ўтамиз, «Вулверхэмптон» аввалроқ Премьер-лигада жон сақлаб қолиш имкониятини математик жиҳатдан йўқотган илк жамоага айланган эди.

«ВУЛВЕРҲЭМПТОН» — «ТОТТЕНҲЭМ» — 0:1

Гол: Жоау Пальинья 82 (0:1).

«Вулверхэмптон»: Жозе Са, С. Буэно (Вольфе, 90+4), Т. Гомеш, Доэрти (Хван Хи Чхан, 85), Андре, Гомес, У. Буэно, Педро Лима (Чачуа, 86), Р. Гомеш (Арокодаре, 71), Мане, Армстронг.

«Тоттенҳэм»: Кински, Дансо, ван де Вен, Спенс, Порро, Биссума (Пальинья, 62), Бентанкур, Галлахер (Дрэгушин, 90+1), Симонс (Бергвалль, 62), Коло Муани (Тель, 46), Соланке (Ришарлисон, 40).

Огоҳлантиришлар: Андре (45), С. Буэно (56), Гомес (90) — Порро (56), Бентанкур (65), Галлахер (74), Дансо (90).