Angliya Premyer-ligasining 34-turi doirasida «Tottenxem» safarda «Vulverxempton» mehmoni bo‘ldi va kichik hisobda g‘alaba qozondi.

Bahs taqdirini hal qilgan yagona gol uchrashuvning 82-daqiqasida mehmonlar yarim himoyachisi Joau Palinya tomonidan kiritildi.

Ushbu g‘alabadan so‘ng londonliklar o‘z ochkolarini 34 taga yetkazib oldi. Ular hamon 18-pog‘onada.

«Bo‘rilar» esa 17 ochko bilan so‘nggi — 20-o‘rinda qolmoqda. Eslatib o‘tamiz, «Vulverxempton» avvalroq Premyer-ligada jon saqlab qolish imkoniyatini matematik jihatdan yo‘qotgan ilk jamoaga aylangan edi.

«VULVERHEMPTON» — «TOTTENHEM» — 0:1

Gol: Joau Palinya 82 (0:1).

«Vulverxempton»: Joze Sa, S. Bueno (Volfe, 90+4), T. Gomesh, Doerti (Xvan Xi Chxan, 85), Andre, Gomes, U. Bueno, Pedro Lima (Chachua, 86), R. Gomesh (Arokodare, 71), Mane, Armstrong.

«Tottenhem»: Kinski, Danso, van de Ven, Spens, Porro, Bissuma (Palinya, 62), Bentankur, Gallaxer (Dregushin, 90+1), Simons (Bergvall, 62), Kolo Muani (Tel, 46), Solanke (Risharlison, 40).

Ogohlantirishlar: Andre (45), S. Bueno (56), Gomes (90) — Porro (56), Bentankur (65), Gallaxer (74), Danso (90).