«Бавария» спорт бўлими раҳбари Макс Эберль клубнинг «Ньюкасл» вингери Энтони Гордонга қизиқиши ҳақидаги хабарларга муносабат билдирди.
25 ёшли англиялик футболчи Мюнхен грандининг асосий трансфер мақсадларидан бири ҳисобланади. Шунингдек, Премьер-лига грандлари ҳам ушбу ўйинчига қизиқиш билдираётгани айтилмоқда.
«Ёзда трансфер бозоридаги ишимизни хотиржамлик билан амалга оширамиз. Июль ойида сафимизга келиб қўшилиши мумкин бўлган футболчилар ҳақида олдиндан гапириш ҳурматсизлик бўларди», — дея журналист Флориан Плеттенберг Эберлнинг сўзларини келтиради.
Transfermarkt портали Энтони Гордоннинг бозор қийматини 60 миллион еврога баҳолаган. «Қарғалар» юлдузининг амалдаги шартномаси 2030 йилгача мўлжалланган.
