Англия терма жамоасининг собиқ ҳужумчиси Уэйн Руни «Манчестер Сити» футболчисининг ўйинига баҳо берди. Рунининг фикрича, вингер Жереми Доку ўз ўйин услуби билан Луиш Нанини эслатади. Уэйн ўз вақтида ҳужумда португалиялик футболчи билан ҳамкорлик қилиш осон бўлмаганига шама қилди.

«Жереми Доку — Гвардиола жамоаларида биз одатда кўрмайдиган бошқача типдаги футболчи. Тўп унга келиб тушдими, у дарҳол ҳимоячини алдаб ўтишга киришади. У рақибларни ғазаблантиради. «Манчестер Юнайтед»да Нани билан ҳам шундай ҳолат бўларди. Марказий ҳужумчи учун бундай футболчи нима қилишга уринаётганини тушуниш анча қийин», — деди Руни BBC One эфирида.

Эслатиб ўтамиз, «Манчестер Сити» шанба куни Англия Кубоги ярим финалида «Саутгемптон»ни мағлуб этди (2:1).