Angliya terma jamoasining sobiq hujumchisi Ueyn Runi «Manchester Siti» futbolchisining o‘yiniga baho berdi. Runining fikricha, vinger Jeremi Doku o‘z o‘yin uslubi bilan Luish Nanini eslatadi. Ueyn o‘z vaqtida hujumda portugaliyalik futbolchi bilan hamkorlik qilish oson bo‘lmaganiga shama qildi.
«Jeremi Doku — Gvardiola jamoalarida biz odatda ko‘rmaydigan boshqacha tipdagi futbolchi. To‘p unga kelib tushdimi, u darhol himoyachini aldab o‘tishga kirishadi. U raqiblarni g‘azablantiradi. «Manchester Yunayted»da Nani bilan ham shunday holat bo‘lardi. Markaziy hujumchi uchun bunday futbolchi nima qilishga urinayotganini tushunish ancha qiyin», — dedi Runi BBC One efirida.
Eslatib o‘tamiz, «Manchester Siti» shanba kuni Angliya Kubogi yarim finalida «Sautgempton»ni mag‘lub etdi (2:1).
