Сўнгги ҳафталарда Жозе Моуриньюнинг «Реал Мадрид» бош мураббийлигига қайтиши ҳақидаги хабарлар тез-тез тарқалмоқда. Нуфузли инсайдер Фабрицио Романо ўзининг янги кўрсатувида ушбу масалага тўхталиб ўтди.
Романонинг сўзларига кўра, «Реал» раҳбарияти Моуриньюнинг клубга қайтиш истагидан аллақачон хабардор бўлган. The Special One «қаймоқранглилар» бошқарувида иккинчи бор имконият олишни истамоқда. Тез орада Мадрид клубида бу борада якуний қарор қабул қилинади.
Ҳозирда жамоа билан Альваро Арбелоа ишламоқда. Унинг мавсум якунида лавозимини тарк этиши кутилмоқда, чунки «Реал» катта эҳтимол билан бу йилни совринларсиз якунлайди.
Жозе Моуринью 2010–2013 йилларда «Реал»ни бошқарган эди. Айни дамда португалиялик мутахассис «Бенфика» клубини бошқармоқда.
