So‘nggi haftalarda Joze Mourinyuning «Real Madrid» bosh murabbiyligiga qaytishi haqidagi xabarlar tez-tez tarqalmoqda. Nufuzli insayder Fabrisio Romano o‘zining yangi ko‘rsatuvida ushbu masalaga to‘xtalib o‘tdi.
Romanoning so‘zlariga ko‘ra, «Real» rahbariyati Mourinyuning klubga qaytish istagidan allaqachon xabardor bo‘lgan. The Special One «qaymoqranglilar» boshqaruvida ikkinchi bor imkoniyat olishni istamoqda. Tez orada Madrid klubida bu borada yakuniy qaror qabul qilinadi.
Hozirda jamoa bilan Alvaro Arbeloa ishlamoqda. Uning mavsum yakunida lavozimini tark etishi kutilmoqda, chunki «Real» katta ehtimol bilan bu yilni sovrinlarsiz yakunlaydi.
Joze Mourinyu 2010–2013 yillarda «Real»ni boshqargan edi. Ayni damda portugaliyalik mutaxassis «Benfika» klubini boshqarmoqda.













