Бразилиялик марказий ҳимоячи Эдер Милитао ҳали ҳам жаҳон чемпионатига боришдан умидвор.
Аввалроқ, «Реал» ҳимоячиси Ла Лига доирасида «Алавес»га (2:1) қарши кечган баҳсда олган жароҳатидан сўнг мавсум охиригача сафдан чиққани маълум бўлган эди. Шунингдек, бразилиялик футболчи операция қилиниши ва ЖЧ-2026 ни ўтказиб юбориши ҳақида хабар берилганди.
El Chiringuito нашри тарқатган маълумотга кўра, Милитао жарроҳлик амалиётига розилик бериш борасида ҳали якуний қарорга келмаган. У физиотерапевт билан ишлаш орқали жаҳон чемпионатига қадар жароҳатидан тикланишга умид қилмоқда.
