Италия чемпионатининг 34-туридан ўрин олган баҳсда Туриннинг «Торино» жамоаси ўз майдонида Миланнинг «Интер» клубини қабул қилди. Учрашув «Олимпико Гранде Торино» стадионида бўлиб ўтди ва 2:2 ҳисобидаги дуранг билан якунланди.
Ҳисобни 23-дақиқада меҳмонлар ҳужумчиси Маркус Тюрам очди. Иккинчи бўлимнинг 61-дақиқасида ҳимоячи Янн Биссекк «Интер»нинг устунлигини оширди. 70-дақиқада Жованни Симеоне мезбонлар ҳисобидан бир голни қайтарди.
Ярим ҳимоячи Никола Влашич 79-дақиқада пенальтини аниқ амалга ошириб, ҳисобни тенглаштирди.
«Интер» 34 та учрашувдан кейин 79 очко билан Италия чемпионати турнир жадвалида пешқадам бўлиб турибди. «Торино» эса 41 очко билан 13-ўринда жойлашган.
Италия — А серия, 34-тур
26 апрель 2026 йил, якшанба
«Торино» — «Интер» 2:2
Голлар: Тюрам 23 (0:1), Биссекк 61 (0:2), Симеоне 70 (1:2), Влашич 79 (2:2).













