Миллий чемпионатларнинг навбатдаги тур якунларига кўра, «ПСЖ» ва Дортмунднинг «Боруссия» клублари 2026/27 йилги мавсум учун Чемпионлар лигасининг умумий босқичи йўлланмасини қўлга киритган 8 ва 9-жамоаларга айланди.

Франция Лига 1 пешқадами «ПСЖ» сафарда «Анжер» устидан қозонилган ғалабадан (3:0) сўнг очколари сонини 69 тага етказди. Мавсум якунига уч тур қолганда парижликлар 4-ўриндаги «Лилль» (57 очко) ва ундан пастдаги жамоалар учун етказиб бўлмас масофага чиқиб олишди. Маълумот учун, Франциядан 3 та жамоа тўғридан-тўғри ушбу босқичга йўл олади.

Германиядан эса 4 та клуб Чемпионлар лигасининг умумий босқичига йўлланма олади. Бундеслигада 2-ўринда бораётган «Боруссия Д» ўз майдонида «Фрайбург»ни тор-мор этиб (4:0), 67 очко жамғарди. Дортмундликлар ҳам турнир якунига уч тур қолганда 5-ўриндаги «Ҳоффенхайм» (57 очко) учун недосягаем бўлишди.

Аввалроқ Чемпионлар лигасининг 2026/27 йилги мавсумидаги жойини «Барселона», «Бавария», ПСВ, «Арсенал», «Реал», «Интер» ва «Манчестер Сити» клублари нақд қилиб бўлган эди.

Эслатиб ўтамиз, ушбу босқичга жами 29 та клуб тўғридан-тўғри йўл олади, қолган 7 та ўрин эса саралаш баҳслари орқали аниқланади.