Milliy chempionatlarning navbatdagi tur yakunlariga ko‘ra, «PSJ» va Dortmundning «Borussiya» klublari 2026/27 yilgi mavsum uchun Chempionlar ligasining umumiy bosqichi yo‘llanmasini qo‘lga kiritgan 8 va 9-jamoalarga aylandi.
Fransiya Liga 1 peshqadami «PSJ» safarda «Anjer» ustidan qozonilgan g‘alabadan (3:0) so‘ng ochkolari sonini 69 taga yetkazdi. Mavsum yakuniga uch tur qolganda parijliklar 4-o‘rindagi «Lill» (57 ochko) va undan pastdagi jamoalar uchun yetkazib bo‘lmas masofaga chiqib olishdi. Ma’lumot uchun, Fransiyadan 3 ta jamoa to‘g‘ridan-to‘g‘ri ushbu bosqichga yo‘l oladi.
Germaniyadan esa 4 ta klub Chempionlar ligasining umumiy bosqichiga yo‘llanma oladi. Bundesligada 2-o‘rinda borayotgan «Borussiya D» o‘z maydonida «Frayburg»ni tor-mor etib (4:0), 67 ochko jamg‘ardi. Dortmundliklar ham turnir yakuniga uch tur qolganda 5-o‘rindagi «Hoffenxaym» (57 ochko) uchun nedosyagayem bo‘lishdi.
Avvalroq Chempionlar ligasining 2026/27 yilgi mavsumidagi joyini «Barselona», «Bavariya», PSV, «Arsenal», «Real», «Inter» va «Manchester Siti» klublari naqd qilib bo‘lgan edi.
Eslatib o‘tamiz, ushbu bosqichga jami 29 ta klub to‘g‘ridan-to‘g‘ri yo‘l oladi, qolgan 7 ta o‘rin esa saralash bahslari orqali aniqlanadi.
