Парижнинг «ПСЖ» клуби бош мураббийи Луис Энрике Чемпионлар лигаси ярим финали доирасидаги «Бавария»га қарши ўйин олдидан ўз фикрларини билдириб ўтди. Испаниялик мутахассис ўз жамоасини мюнхенликлар билан бир қаторда қитъанинг энг кучлиси деб ҳисобламоқда.

«Бавария» ва «ПСЖ» ҳам ҳимояда, ҳам ҳужумда Европадаги энг яхши икки жамоадир. «Арсенал» ҳам яхши ишлади, аммо «Бавария» анча барқарор ва улар бор-йўғи иккита ўйинда мағлуб бўлишди. Бироқ футбол сифатига қарайдиган бўлсак, биз биринчи рақамлимиз. Биз катта клубларни ҳурмат қиламиз, аммо реаллик шундай», — деди Энрике журналистлар билан суҳбатда.

Эслатиб ўтамиз, «ПСЖ» ва «Бавария» ўртасидаги дастлабки учрашув 28 апрелдан 29 апрелга ўтар кечаси, Тошкент вақти билан соат 00:00 да бошланади.