Ламин Ямал Испания чемпионатининг яқинда бўлиб ўтган «Сельта»га қарши ўйинида жароҳат олди. Иқтидорли вингер пенальти тепиш вақтида шикастланган. Кўп ўтмай футболчи тиббий кўрикдан ўтди ва Ямал клуб миқёсидаги мавсум якунига қадар майдонга туша олмаслиги эълон қилинди.
Шу билан бирга, Ламин Жаҳон чемпионати бошланишига қадар соғайиши кутилмоқда. Испаниянинг Sport нашри хабарига кўра, «Барселона»нинг ўз истаги бор. Агар Испания терма жамоаси Ямални Жаҳон чемпионати гуруҳ босқичининг дастлабки икки ўйинида майдонга туширмаса, клуб бундан миннатдор бўларди.
Гап шундаки, Ламин ушбу баҳсларда 100 фоиз тайёр бўла олмайди. Ямаль Кабо-Верде ва Саудия Арабистонига қарши ўйинларни ўтказиб юбориши эҳтимолдан холи эмас.
