Lamin Yamal Ispaniya chempionatining yaqinda bo‘lib o‘tgan «Selta»ga qarshi o‘yinida jarohat oldi. Iqtidorli vinger penalti tepish vaqtida shikastlangan. Ko‘p o‘tmay futbolchi tibbiy ko‘rikdan o‘tdi va Yamal klub miqyosidagi mavsum yakuniga qadar maydonga tusha olmasligi e’lon qilindi.
Shu bilan birga, Lamin Jahon chempionati boshlanishiga qadar sog‘ayishi kutilmoqda. Ispaniyaning Sport nashri xabariga ko‘ra, «Barselona»ning o‘z istagi bor. Agar Ispaniya terma jamoasi Yamalni Jahon chempionati guruh bosqichining dastlabki ikki o‘yinida maydonga tushirmasa, klub bundan minnatdor bo‘lardi.
Gap shundaki, Lamin ushbu bahslarda 100 foiz tayyor bo‘la olmaydi. Yamal Kabo-Verde va Saudiya Arabistoniga qarshi o‘yinlarni o‘tkazib yuborishi ehtimoldan xoli emas.
