«Трабзонспор» дарвозабони Андре Онана «Манчестер Юнайтед»да янги имкониятга эга бўлишдан умидвор. Daily Mail Sport нашрининг хабар беришича, ижара муддати якунлангач, Онана «Манчестер Юнайтед»га қайтишни истамоқда.
30 ёшли камерунлик посбон «қизил иблислар»нинг асосий таркибидаги ўрин учун Сенне Ламменс билан курашишга қатъий қарор қилган.
«Трабзонспор» Онанани ўтган йилнинг сентябрь ойида ижарага олган эди. Ўшандан бери дарвозабон 29 та ўйинда майдонга тушиб, 37 та гол ўтказиб юборди ва 6 та учрашувда ўз дарвозаси дахлсизлигини сақлаб қолди.
Эслатиб ўтамиз, 2023 йилда «Манчестер Юнайтед» Онанани «Интер»дан 50 миллион евро эвазига сотиб олган эди. Дарвозабоннинг клуб билан шартномаси 2028 йилгача мўлжалланган.
