«Cola-Cola» компанияси «Челси» ва Англия терма жамоаси ярим ҳимоячиси Коул Палмер билан ҳамкорлик бошланганини эълон қилди. Иқтидорли ёш футболчи бренднинг реклама амбассадорига айланди.

«Иқтидорли ёш футболчи Палмер Coca-Cola ва Powerade реклама кампанияларида иштирок этади. Бу орқали бренд бутун дунёдаги футбол ишқибозлари билан алоқаларини янада мустаҳкамлайди», — дейилади компания матбуот хизмати хабарида.

Палмер ҳозирда 23 ёшда ва у бугунги «Челси»нинг асосий етакчиларидан бири ҳисобланади. Футболчи Англия терма жамоаси сафида 14 та ўйин ўтказиб, ўз ҳисобига иккита гол ёздириб қўйган.

«Ушбу келишувнинг имзоланиши Coca-Cola’нинг «Z авлоди» ва кенг футбол оммаси олдидаги узоқ йиллик мажбуриятларини янада мустаҳкамлайди», — дея қўшимча қилди компания вакиллари.