«Cola-Cola» kompaniyasi «Chelsi» va Angliya terma jamoasi yarim himoyachisi Koul Palmer bilan hamkorlik boshlanganini e’lon qildi. Iqtidorli yosh futbolchi brendning reklama ambassadoriga aylandi.
«Iqtidorli yosh futbolchi Palmer Coca-Cola va Powerade reklama kampaniyalarida ishtirok etadi. Bu orqali brend butun dunyodagi futbol ishqibozlari bilan aloqalarini yanada mustahkamlaydi», — deyiladi kompaniya matbuot xizmati xabarida.
Palmer hozirda 23 yoshda va u bugungi «Chelsi»ning asosiy yetakchilaridan biri hisoblanadi. Futbolchi Angliya terma jamoasi safida 14 ta o‘yin o‘tkazib, o‘z hisobiga ikkita gol yozdirib qo‘ygan.
«Ushbu kelishuvning imzolanishi Coca-Cola’ning «Z avlodi» va keng futbol ommasi oldidagi uzoq yillik majburiyatlarini yanada mustahkamlaydi», — deya qo‘shimcha qildi kompaniya vakillari.
