Машҳур нидерландиялик собиқ футболчи Уэсли Снейдер Чемпионлар лигаси ярим финали доирасидаги «ПСЖ» ва «Бавария» жамоалари ўртасидаги ўйиндан ҳайратда қолганини яширмади. Сешанба куни Парижда бўлиб ўтган илк тўқнашув мезбонларнинг 5:4 ҳисобидаги ғалабаси билан якунланди.

«Бундан яхшироқ ўйинни эслай олмайман. Бу баҳс ҳақиқий финалдек туюлди. Шиддат, сифат ва драма — ҳаммаси энг юқори даражада бўлди. Ҳар икки жамоа ўзида эҳтирос ва ақл бовар қилмас техник маҳоратни бирлаштирган. Бундай томошадан сўнг барчамиз футболни нима учун яхши кўришимизни яна бир бор тушуниб етдик», — дея Снейдернинг сўзларини келтирмоқда Нидерландия ОАВлари.

«ПСЖ» ва «Бавария» самарадорлик бўйича рекорд ўрнатишди — аввал ҳеч қачон Чемпионлар лигаси ярим финалининг битта учрашувида тўққизта гол урилмаган эди. Жавоб жанги 6 май куни бўлиб ўтади.