Иқтидорли дарвозабон Леонард Прескотт яқинда «Бавария»нинг асосий жамоасида дебют қилишга жуда яқин келган эди, чунки клубнинг тўрт нафар посбони жароҳат олганди. Бироқ Йонас Урбиг барибир сафга қайтгани сабабли, Прескоттнинг дебюти кейинга қолдирилди.
Шу билан бирга, Прескоттнинг иқтидори бошқа клубларни ҳам ўзига жалб қилмоқда. Германиянинг Sky нашри хабар беришича, 16 ёшли футболчини «Челси» ва «Ювентус» клублари кузатиб бормоқда.
«Бавария» учун муаммо шундаки, Леонард Прескоттнинг амалдаги шартномаси клуб билан 2027 йилнинг ўрталарига қадар мўлжалланган. Бу эса бошқа клубларда дарвозабонни ўз томонига оғдириб олиш учун яхши имконият борлигини англатади.
Прескотт ҳали жуда ёш, шу сабабли Transfermarkt порталида унинг бозор қиймати ҳозирча белгиланмаган.
