«ПСЖ» ҳимоячиси ва сардори Маркиньос Чемпионлар лигаси ярим финалида «Бавария» устидан қозонилган 5:4 ҳисобидаги ғалабадан сўнг ўз фикрларини билдирди.

«Барча футбол ишқибозлари ушбу учрашувни томоша қилиб, завқ олишди. Майдонда бундай ўйинда иштирок этиш мен учун чинакам бахт бўлди. Бу — бутун йил давомида орзу қилинадиган ўйинлар сирасига киради. Ҳар икки жамоа ҳам ҳеч қачон таслим бўлмаслик ва фақат олдинга интилиш менталитетига эга. Жуда гўзал баҳс гувоҳига айландик. Бир ҳафтадан кейин ҳам шундай бўлиши аниқ. Бизда кичик устунлик бор, энди Мюнхенга тўғри кайфият билан боришимиз керак», — деди Маркиньос Canal+ телеканалига берган интервьюсида.

«Бавария» ва «ПСЖ» ўртасидаги жавоб учрашуви чоршанба куни, 6 май куни бўлиб ўтади.