Эрон терма жамоаси Ангола ва Шимолий Македония терма жамоаларига қарши ўртоқлик учрашувларини ўтказишдан воз кечишга мажбур бўлди ва ҳозирча унинг турнирга тайёргарлик кўриш учун рақиби йўқ. Бундан ташқари, мураккаб сиёсий вазият туфайли жамоанинг турнирда иштирок этиш-этмаслиги борасида ҳам ҳали аниқ тўхтамга келинмаган.
derbyderbyderby.it нашрининг Эрон манбаларига таяниб хабар беришича, Ангола ва Македония томонининг рад жавоби сабаблари — фақатгина сиёсий характерга эга. Эслатиб ўтамиз, Шимолий Македония 2018 йилдан бери НАТО аъзоси ҳисобланади. Ангола эса йирик нефть қазиб олувчи давлат сифатида иқтисодий жиҳатдан Ғарб давлатлари билан чамбарчас боғланган ва уларни ортиқча ғазаблантиришни истамайди. Шу сабабли, катта эҳтимол билан, улар «ортга чекинишган».
