Каталониянинг «Барселона» клуби ҳужумчиси Рафинья фаолиятини Саудия Арабистони Про-лигасида давом эттириши мумкин. Mundo Deportivo нашрининг хабар беришича, бир нечта Саудия клублари бразилиялик футболчига расмий таклиф тайёрламоқда.
Маълум бўлишича, араб жамоалари 29 ёшли вингерни 2026 йилги Жаҳон чемпионатидан сўнг ўз сафларига қўшиб олишга умид қилмоқда. Ҳозирча учта клуб футболчи учун курашга киришиш истагини билдирган, бироқ ҳали «Барселона»га ёки ўйинчининг ўзига расмий таклиф юборилмаган.
Рафинья жорий мавсумда «кўк-анорранглилар» сафида ажойиб спорт формасида эканини намойиш этмоқда. У Ла Лига доирасида ўтказилган 20 та учрашувда ўз ҳисобига 11 та гол ва 3 та голли узатмани ёздириб қўйишга улгурди.
