«Арсенал» ҳужумчиси Кай Хаверц Бундеслигага қайтиши мумкин. Журналист Чарльз Уоттснинг маълумотларига кўра, Лондон клуби шу ёзда форвардни сотиб юборишни режалаштирмоқда.
Футболчининг трансферига «Бавария» жиддий қизиқиш билдирмоқда. Германия чемпионлари Хаверцни Николас Жексон ўрнига муносиб номзод сифатида кўришмоқда. Маълумот учун, Жексон жорий мавсум якунида ижара муддати тугагач, «Челси»га қайтади.
Кай Хаверц 2023 йилда «Челси»дан 75 миллион евро эвазига «Арсенал»га ўтган эди. Унинг «канонирлар» билан шартномаси 2028 йилнинг 30 июнигача мўлжалланган. Жорий мавсумда ҳужумчи барча турнирларда 20 та ўйинда майдонга тушиб, 5 та гол урди ва 4 та голли узатмани амалга оширди.
