"Ан-Наср"нинг афсонавий ҳужумчиси Криштиану Роналду ўзининг фаолияти якуни яқинлашаётганини тан олди. Шу билан бирга, у майдондаги ҳар бир лаҳзадан завқланишда давом этиш истагида эканини таъкидлади.
"Мен нафақат ҳозирги авлод, балки аввалги ва кейинги авлодлар учун ҳам ўйнашда давом этяпман. Кундан-кунга, ўйиндан-ўйинга ва йилдан-йилга, ҳатто фаолиятим якуни яқинлашаётган бўлса-да, футболдан завқ оляпман. Бу — факт.
Менинг фаолиятим ажойиб кечди ва буни шу руҳда давом эттиришни истайман. Мен ҳали ҳам футболдан ҳузур оляпман, голлар уряпман... лекин энг муҳими — ғалаба қозониш. Биз ҳақиқатан ҳам лигада чемпион бўлишни истаймиз", — деди португалиялик юлдуз.
