Англиялик афсонавий собиқ ҳимоячи Рио Фердинанд Криштиану Роналдунинг Саудия Арабистонидаги мақсадлари ҳақида гапириб берди.

41 ёшли форвард «Ан-Наср»даги илк совринига тобора яқинлашмоқда: жамоа 30-турдан кейин чемпионат турнир жадвалида ишонч билан пешқадамлик қилмоқда ва «Ал-Ҳилол»ни саккиз очкога ортда қолдирмоқда.

«Бу Криштиану учун жуда муҳим, чунки у айнан шу мақсадда келган. Ҳа, биламан, ҳамма уни пул учун келган деб айтади, лекин у ғалаба қозонишни истайди. Менимча, агар Роналду маҳаллий чемпионатда ғолиб чиқмасдан Саудия Арабистонида фаолиятини якунлаганида, у бахтли бўлмасди ва ўзини қониққандек ҳис қилмасди. Бу ғалаба ҳам унинг шахсан ўзи учун, ҳам бутун «Ан-Наср» учун жуда катта аҳамиятга эга бўлади», — дея Фердинанднинг сўзларини келтиради Al Nassr Zone.

Португалиялик юлдузнинг Ар-Риёд клуби билан амалдаги шартномаси 2027 йилнинг ёзига қадар мўлжалланган.