Мадриднинг «Реал» клуби «Валенсия» ёшлар жамоасида тўп сураётган Юлиан Москерани ўз сафига жалб қилиши мумкин.

15 ёшли испаниялик футболчи — Лондоннинг «Арсенал» клуби ҳимоячиси, фаолиятини худди укаси каби «Валенсия»да бошлаган Кристиан Москеранинг укасидир. Юлиан ҳам акаси сингари марказий ҳимоя чизиғида ҳаракат қилади. ESPN нашрининг хабарига кўра, «қироллик клуби» «кўршапалаклар»нинг истиқболли футболчисини ўз академиясига таклиф қилишга уриниб кўради.

Юлиан Москера 2011 йилнинг январида туғилган. У Испаниянинг 15 ёшгача бўлган ўсмирлар терма жамоаси сафида саккизта ўйин ўтказган. Табиийки, ёш марказий ҳимоячи ҳозирча «Валенсия»нинг асосий таркибида кўриниш бергани йўқ.