Madridning «Real» klubi «Valensiya» yoshlar jamoasida to‘p surayotgan Yulian Moskerani o‘z safiga jalb qilishi mumkin.
15 yoshli ispaniyalik futbolchi — Londonning «Arsenal» klubi himoyachisi, faoliyatini xuddi ukasi kabi «Valensiya»da boshlagan Kristian Moskeraning ukasidir. Yulian ham akasi singari markaziy himoya chizig‘ida harakat qiladi. ESPN nashrining xabariga ko‘ra, «qirollik klubi» «ko‘rshapalaklar»ning istiqbolli futbolchisini o‘z akademiyasiga taklif qilishga urinib ko‘radi.
Yulian Moskera 2011 yilning yanvarida tug‘ilgan. U Ispaniyaning 15 yoshgacha bo‘lgan o‘smirlar terma jamoasi safida sakkizta o‘yin o‘tkazgan. Tabiiyki, yosh markaziy himoyachi hozircha «Valensiya»ning asosiy tarkibida ko‘rinish bergani yo‘q.
