«Барселона» бош мураббийи Ханс-Дитер Флик бразилиялик ҳужумчи Рафинья Диаснинг сафга қайтгани борасида ўз фикрлари билан ўртоқлашди.

«Бу футболчи ҳар доим майдонда 100 фоиз бор имкониятини ишга солади. У анча қийин кунларни бошидан ўтказди ва унинг сафга қайтгани биз учун жуда муҳим. Рафинья биз билан бирга ўйинга йўл олади, уёғини эса кўрамиз», — дея Фликнинг сўзларини келтирмоқда The Touchline.

Эслатиб ўтамиз, Рафинья жароҳати сабабли март ойи ўрталаридан бери майдонга тушмаётган эди. Жорий мавсумда 29 ёшли вингер барча мусобақаларда 31 та ўйинда иштирок этиб, 19 та гол ва 8 та голли узатмага муаллифлик қилди.

Шанба куни, 2 май санасида «Барселона» сафарда «Осасуна»га қарши баҳс олиб боради. Учрашув Тошкент вақти билан 23:00 да старт олиши режалаштирилган.