«Мальорка»нинг қанот ҳужумчиси Хан Вирхили «Барселона»га қайтиши мумкин. Бу ҳақда Mundo Deportivo нашри хабар бермоқда.
Манба берган маълумотга кўра, «Барселона» ҳали ҳам 19 ёшли испаниялик футболчини ёзги трансфер ойнасида жамоага қайтариш вариантини кўриб чиқмоқда. Таъкидланишича, трансфер суммаси 15 миллион еврони ташкил қилиши мумкин.
Жорий мавсумда Вирхили барча мусобақаларни инобатга олган ҳолда 29 та ўйинда майдонга тушиб, 2 та гол урди ва 6 та голли узатмани ўз ҳисобига ёздириб қўйди. Вирхилининг «Мальорка» билан амалдаги шартномаси 2030 йилнинг ўрталарига қадар мўлжалланган. Қўшимча қилиш жоизки, футболчи 2024 йилдан 2025 йилгача «Барселона» тизимида бўлган.
