«Барселона» бош мураббийи лавозимида фаолият юритаётган Ханс-Дитер Флик каталонияликларнинг кетма-кет иккинчи бор Ла Лига чемпионлигини қўлга киритишга яқин тургани ҳақида гапирди.
«Футболчилар ҳамма нарсани жуда яхши бажаришмоқда, улар ушбу клуб учун бор кучларини беришмоқда. Биз яхши ўйин намойиш этяпмиз, лекин яна бир нечта учрашувда ғалаба қозонишимиз керак. Биз айнан шунга эришишни истаймиз», — дея Фликнинг сўзларидан иқтибос келтирмоқда AS.
Шунингдек, «кўк-анорранглилар» устози жамоа мухлисларига қўллаб-қувватлаганлари ва уй учрашувларида ажойиб муҳит яратганлари учун миннатдорчилик билдирди.
Айни дамда «Барселона» турнир жадвалида пешқадамлик қилмоқда ва Мадриднинг «Реал» клубини 11 очкога ортда қолдирмоқда. Бугун, 2 май куни Флик шогирдлари сафарда «Осасуна»га қарши майдонга тушадилар. Баҳс Тошкент вақти билан тунги соат 00:00 да бошланади.
